طريقة عمل كتف خروف ضاني مشوي في الفرن بالصور لعيد الاضحى المبارك

تم النشر اليوم 13-12-2025 | طريقة عمل كتف خروف ضاني مشوي في الفرن بالصور لعيد الاضحى المبارك
كتف خروف ضاني مشوي في الفرن من مطبخي بالصور لو عندك عزومه وعايزه حاجه شيك ومفتخره وسريعه جداا يبقي مافيش اسهل من انك تجيبي فخده او كتف ضاني وتتبليه من بليل وتاني يوم تحطيه في الفرن انا بحب الكتف عشان نسبة الكوليسترول فيه اقل من الفخد نجيب الكتف ونغسلها كويس ونعمل فتحات صغيره بالسكينه ونحط جوه كل فتحه فص توم صحيح وحتة بصله وفلفل اسود حب وممكن نعمل شقوق بالسكينه زي الجيوب ونحط جواها الحاجات دي وندهنها بالبهارات المشكله من بره زي الشكل ده http://img341.imageshack.us/img341/1479/p1020180a.jpg ندخلها التلاجه وقبل معاد الاكل ب 3 او 4 ساعات نغلف الصينيه بالفويل http://img121.imageshack.us/img121/3694/p1020182f.jpg وندخلها الفرن لمدة 3 ساعات وفي نص المده يعني بعد مايعدي ساعه نص نحط جنبها خضار متقطع كبير انا حطيت بطاطس وجزر وقرنبيط ونشيل الفويل قبل ماتخرج بنص ساعه وبسسسسسسسسسسس وطبعا من غير اي دهون خالص كفايه الدهون ايل فيها ولما تخرخ من الفرن نسيبها ترتاح ربع ساعه علي الاقل وبعدين نقدمها http://img693.imageshack.us/img693/7908/p1020191l.jpg علي فكره هي شكلها احلي من كده بكتير اصلا حاسه ان شكلها يف الصوره متغير ههههههههه معلش الصيام وعمايله كنت بصور وانا بجري كل سنه وانتم طيبين