طريقة عمل بيتزا ليبية ، معجنات رمضانية ليبية ، وصفات رمضانية من المطبخ الليبي بيتزا ليبية صح بسم الله الرحمن الرحيم هذي طريقة بيتزا100% و جربيها و تو تشوفي بروحك . المقادير: (طواسي=أكواب)،(مرش=زجاج)،(كواشيك=ملاعق)، (دحية=بيضة)،(حكة=علبة) 8 طواسي دقيق ، طواسي مرش(زجاج) . 2 دحية. 3 كواشيك زيت زيتون ، كان ما فيش حتى زيت ذرة. 4 كواشيك زبده. 2 طاسه حليب. 2 كاشيك كبير خميرة . 1 كاشيك كبير سكر. 8 طماطمات ، و بصلة ، و قرنين فلفل حار ، و فلفلة حلوة. جبنه بيتزا. زيتون مقطع. 3 كواشيك ملح حكة تن . طريقة التحضير : 1/ العجينة : حطي( ضعي)الدقيق و الملح والخميرة و السكر علي بعضهن ، بعدها حطي الدحيتين و الزيت و الزبدة، و خلطيهن علي بعضهن كويس لين ما تقعد تتفتت في يديك ، بعدها حطي الحليب و ميهدافيه حسب المطلوب وإعجني لين ما تقعد العجينة لا هي رطبة ولا يابسة نص ونص ،و خليها لين(حتى) تخمر نص ساعة . 2 / الصلصة: - وهي كالتالي: قطعي الطماطم والبصل والفلفل ، و أفرميه ناعم في الخلاط ، كلا معا بعضه ، بعد ما تكملي ، حطي معاها حكةالتن بعد ما تفضيها من الزيت و معاها شوية ملح. بالهناء والعافية.
لم يعلق احد حتى الآن .. كن اول من يعلق بالضغط هنا