شبكة بحوث وتقارير ومعلومات
اخر المشاهدات
اخر بحث
الرئيسية
آخر تحديث منذ 5 ثوانى
2 مشاهدة
[ أشعار حب ] كلمات هشام الجخ متزعليش تم النشر اليوم [dadate] | كلمات هشام الجخ متزعليش

كلمات قصيدة متزعليش لهشام الجخ

تتميز قصيدة متزعليش لهشام الجخ بأنها من القصائد التي لاقت إقبالًا كبيرًا من محبي الشعر، وهي من القصائد العامية التي تحمل الكثير من المعاني والمشاعر، وفيما يلي كلماتها: متزعليش لو جم قالولك إنه مش باين عليه أثر الفراق وإنه مش بيجيب ف سيرتك وإنه عادي لا بان عليه أثر الفراق ولا في ألم ولا في اشتياق حجاش قصيدة كتبها فيها هي دي اللي طلعتي بيها أما هو خلاص نسيكي عادته ولا هيشتريها؟ واحنا قلنالك زمان مبتسمعيش فمتزعليش ثم هو مكنش نجوى كان بيتأخر عليكي بالساعات وكان مفلس وشكلك يعني مكنش هو كل أصحابك عبوه أهو غار ف داهية وبكرة يركع تحت رجلك بس يمكن كان حنين حبتين حبتين حبتين كان بيسخف عليكي كنتي فين ورايحه فين وجايه فين بس كان بيبان عليه لما اسمك يجي ف الكلام تلمع عينيه بس برضو كان تقيل مكنش بيقدر ظروفك كام مرة قلتي مستحيل ويصور برضو إنه يشوفك متزعليش من قساوة الدنيا وعنادها العجيب أنا كنت فاكر نفسي أقوي من النصيب مين كان يقول إن النهاية تكون فشوش؟ أنا لسه فاكر وقفتك وسط البنات فاكر هدومك وابتسامتك والكلام حتى السكات إذا كان فراقنا صحى فيكي كام وجع أنا كل ليله بتدبح من الذكريات أنا عندي ركن بحط فيه كل الحاجات كل القصايد والألم كل البنات جيت أركنك جواه رفض مكفكيش ف متزعليش وإن جم قالولك إنه مش باين عليه أثر الفراق متصدقيش أنا بس طبعي جعود وبكتم جوا مني مش فاكره نانا وجرحها؟؟؟ طب بان عليا بعدها مش كنت بتنطط وأغني والناس تشوفني تقول حجر ولا أتوجع ولا اتكسر زى الجبل مبنحنيش متصدقيش أنا لما سبتك كل حاجه اتغيرت ريحة الشوارع والدكاكين القديمة والبيوت كأني ببدأ من جديد رحلة حياتي أو بموت حسيت كأني نهيت حياتي خنقتها أنا كنت متخانق معاكي وقتها مكنتش أقصد اقولك امشي مترجعيش بس أنت كنتي صغيرة مفهمتنيش معرفتش أترجاكي وأنتي بتدبحيني الطبع غلاب وانت عارفة وكان لازم تعذريني ربوني ع الهيبة والحب بجيبامه وإن البت لما يوم تتقل عليك بالسلامة صدقيهم لو يوم قالولك إني عصبي وإني بعرف أي واحدة قلبي بيغير يوماتي صدقيهم لو قالولك أي كدبة عن حياتي بس إوعي تصدقيهم لو قالولك إنه كان كداب معاكي محبكيش، وإن جم قالولك إنه مش باين عليه أثر الفراق متصدقيش.
التعليقات
غسيل سجاد رخيص كفالة يومين – نغطي الكويت

لم يعلق احد حتى الآن .. كن اول من يعلق بالضغط هنا
ماتكتبه هنا سيظهر بالكامل .. لذا تجنب وضع بيانات ذات خصوصية بك وتجنب المشين من القول

captcha
الاخر بحثا

مواقعنا

تعرف على - اتصل بى - قريب - عربى - نرمى - مصبغة - حراج - الدليل الصحى العربى - دليل الأطباء الكويتي - دليل الأطباء السعودي - دليل الأطباء الإماراتي - دليل الأطباء العماني - دليل الأطباء البحريني - دليل الأطباء القطري - دليل الأطباء الأردني - دليل الأطباء اللبناني - دليل الأطباء السوري - دليل الأطباء المصري - دليل الأطباء المنوع - سعودى -