Huawei جميع المشاكل المعروفة مع هواتف هواوى وكيفية حلهاHuawei المشاكل المعروفة مع هواتف هواوى وكيفية حلها,مشاكل,اجابات هواوي,تسريبات هواوي,انماط هواوي,اخبار تقنيه,حلول سريعه لهواوي ,سوفتوير هواويصوره شعار هواويهناك بعض المشاكل او بمعنى اخر اسئلة واستفسارات حول هواتف شركة هواوى ولكثرة الاستفسارات على موقعنا الالكترونى وعلى صفحتنا على الفيس بوك قررنا جمعهم فى مقالة واحدة للرد عليهم ليستفيد منها اكبر شريحة من المستخدمين لهواتف هولوى ولزوار موقعنا.نتمنى ان تجد حل لمشكلتك هنا ان شاء الله, جميع الاسئلة والأجوبة مخصصة لهواتف هواوى فقط.اذا كان لديك اسئلة او استفسارات اخرى يمكنك اضافتها فى تعليق اسفل هذة المقالة وسوف نرد عليكم ان شاء الله فى اسرع وقت ممكن.اقراء ايضا : مشاكل وحلول هواتف اوبوالمشاكل والاسئلة لهواتف هواوى وكيفية حلهاس1: انا معايا mate 10 lite وكل ما احاول انزل لعبه تقيله من على المتجر اللعبه تحمل للنصف ويظهر لى خطأ فى التحميل بسبب 495 اى ده بقا انا زهقت وقرفت من الموبايل؟ج1: يمكنك الدخول على الإعدادات > التطبيقات > ثم إختيار Google play store > التخزين > مسح ذاكرة التخزين المؤقنة.س2: لو سمحتم انا معايا هواوى Y7 prime 2018 الجديد اشغل الكاميره التانيه ازاي؟ج2: الكاميرتين الخلفيتين الموجودين في الجهاز بيعملوا معاً تلقائياً لإلتقاط جودة أحسن للصورة والكاميرا الإضافية لإضافة جودة عزل أقوى أثناء التصوير.س3: انا عايز اعرف سعر الـ ميت 10 ليت الان؟ج3: هاتف Mate 10 Lite سعره فى حدود 5.199 جنيه مصرى.س4: انا اتسرق مني موبايل ميت 7 هل يوجد اي طريقة من الشركة لمعرفه مكانه.ج4: اذا كان لديك حساب فى Huawei ID تقدر تدخل على هذا الرابط.بعد فتح الرابط وتسجيل الدخول يمكنك تتبع هاتفك فى حالة كان التليفون متصل بالإنترنت ومفعل خاصية التتبع, تقدر كمان تمسح البيانات الموجودة عليه.اذا لم يكن لديك حساب فى هواوى قبل سرقة الموبايل تقدر تدخل على موقع android device manager من أى كمبيوتر بحساب جوجل اللى على التليفون وتستفيد من نفس الميزات التى تم ذكرها بالأعلى, ايضا لا تنسى عمل محضر في القسم وبلغ الجهاز القومي لتنظيم الاتصالات على 155 برقم الـ IMEI الموجود على علبة الجهاز لمساعدتك.س5: لو سمحت انا معايا GR5 ليه برنامج تسجيل المكالمات لا يعمل عندي.ج5: نحن لا نوصى بأى تطبيق. يجب عليك اولا قراءة وصف التطبيق والتأكد من توافقه مع مواصفات التليفون ونسخة الأندرويد الموجودة به ويفضل استخدم التطبيقات الأفضل تقييما على متجر جوجل بلاى.س6: انا معايا هواوى y6 pro كل مل ابحث عن تحديث للاندرويد لا اجد تحديثات, ايه الحل لو تكرمتم؟ج6: للأسف الجهاز تم اصداره بنظام تشغيل اندرويد Lollipop. وهو ايضا أخر إصدار متوفر له حتى الأن ويمكنك ايضا تفعل التحديث التلقائى من الأعدادات > تحديثات النظام > التحديث من خلال Wi-Fi, واذا تم اطلاق تحديثات جديدة سوف يصلك رسالة.س7: من فضلكم معايا هواوى GR5 2017 النسخة ال 64 حينزل لها تحديث اوريو برجاء الافادة ولكم جزيل الشكر؟ج7: التحديث بالفعل بدأ يوصل للأجهزة, لكن هو بيوصل تدريجياً على دفعات وليست دفعة واحدة, على كل حال التحديث متوفر وهى مسألة وقت فقط وسوف يصلك اشعار بالتحديث الجديد.س8:هو مفيش دعايا علي p20 lite زى الدعايا اللى عملاها شركة شاومى على ريد مى نوت 5 والدعايا اللى عملاها شركة اوبو على اوبو اف 7 ولا هو ابن البطة السودا ؟ س9: لو سمحت انا تليفونى y7 prime 2018 وبرنامج الشير ات مش شغال علية ممكن الحل ضرورى.ج9: يمكنك تحديث التطبيق لأخر إصدار من المتجر والدخول على الإعدادات > التطبيقات > ثم إختيار التطبيق الذى يوجد به مشكلة > التخزين > مسح ذاكرة التخزين المؤقتة وان شاء الله تتحل.س10: لو سمحت انا من مبارح بفتح كريم و اوبر والابلكشن واقف مابيفتحش يفضل واقف ممكن حل ضرورىج10: ممكن تتبع الخطوات دي: 1- الدخول على الإعدادات > التطبيقات > إختيار Google Play Services > التخزين> مسح البيانات ومسح ذاكرة التخزين المؤقتة.2- الإعدادات > التطبيقات > إختيار Google Play Services > اختيار الثلاث نقاط في أعلى الشاشة ومنها إزالة التحديث.3- الإعدادات> التطبيقات> Google Play Store> التخزين >مسح البيانات ومسح ذاكرة التخزين المؤقتة، لو جربت الخطوات دي والصعوبات مازالت موجودة بالتطبيقين ممكن تمسح التطبيق وتحمليه مرة تانية من المتجر، مع العلم بأنه في حال غلق التليفون من زر الباور وإعادة تشغيله مرة تانية هيتطلب إعادة الخطوات السابقة وإن شركة جوجل بتعمل على حل هذه الصعوبات بأقرب وقت, ومتنساش تفعل الـ GPS عند استخدام التطبيقات التى تحتاج اليه.س11: دوقتي تصوير البوكية الدقة شغالة على 8 ميجا بيكسل ومش عارف اعليها على موبايل هواوي مات 10 لايت ممكن اعرف السبب او كيفية حل المشكلة اذا تكرمتم؟ج11: ممكن تتأكد من إن الكاميرا مش على وضع العدسة الواسعة في التصوير، واذا قمت بالتحقق من هذا الامر وواجهة نفس المشكلة يفضل حينها بأن تقوم بعمل إستعادة الإعدادات الإفتراضية للكاميرا عن طريق الدخول علي الكاميرا> الإعدادات> إستعادة الإعدادات الإفتراضية وسوف تحل المشكلة ان شاء الله.س12: لو سمحتم أين يباع اكسسوارات تليفون هواوي واي عشان انا معايا تليفون هواوي واي 7 برايم 2018 وعايز جراب وش وضهر اصلي يكون نضيف ومش عارف اجيبو منين ارجو الرد ضرورى جدا.ج12: يفضل شراء الإكسسوارات الأصلية من خلال فروع هواوي: فرع 6 أكتوبر: مول العرب بوابة 21 بجوار إتصالات, فرع سيتي ستارز الدور الأول المرحلة الأولى محل رقم 144B, فرع مصر الجديدة: 93 شارع الحجاز بجوار بنك CIB, فرع هواوي بالأسكندرية وعنوانه: 39 شارع الاقبال – أبراج طه – لوران, أو من خلال احد الوكلاء المعتمدين: يونيون ستورز, راية، كارفور, بي تك, أورانچ, إتصالات, ڤودافون, I2, أو الشراء أون لاين من چوميا, وسوق كوم.س13: لو سمحت انا معايا p9 lite وجالى رسالة بالتحديث وبعد ما حدثته ملفات الصوت لا تعمل, اريد حل للمشكلة بسرعة لأن الموضوع ضرورى؟ج13: ممكن تدخل علي الإعدادات > التطبيقات > الموسيقي > فرض إيقاف > التخزين > مسح ذاكرة التخزين المؤقت وهتتحل ان شاء الله.س14: عايز اعرف ازاى ارجع لنظام اندرويد 7 اللى كان عندى بدل اندرويد 8 اريو لأن النسخه 8 دي زي الزفت؟ج14: لا يمكنك الرجوع إلى النسخة السابقة فى حال تحديث هاتفك لأصدار اندرويد اعلى.س15: لو سمحت هو سلسلة ال mate افضل ولا سلسلة الـ p عشان انا محتار بين الاتنين؟ج15: كل سلسلة هواتف بها فئات مختلفة تتناسب مع فئات مختلفة من المستخدمين وكل سلسلة بتتميز عن غيرها في المواصفات والسعر ويمكنك اختيار الهاتف الذى يلبى احتياجاتك, اذا كنت فى حيرة بين اى هاتفين يمكنك استخدام ادوات المقارنة التى نوفرها فى الموقع “ريفيو بلس” لعمل مقارنة بين اى هاتفين فى خطوات بسيطة.

تعرف على - اتصل بى - قريب - عربى - نرمى - مصبغة - حراج - الدليل الصحى العربى - دليل الأطباء الكويتي - دليل الأطباء السعودي - دليل الأطباء الإماراتي - دليل الأطباء العماني - دليل الأطباء البحريني - دليل الأطباء القطري - دليل الأطباء الأردني - دليل الأطباء اللبناني - دليل الأطباء السوري - دليل الأطباء المصري - دليل الأطباء المنوع - سعودى -