الله يسعد اوقاتكم يكل خير


اليوم طبقنا سهل كتير وزاكي كتير وهو من المطبخ الفلسطيني



بتمنى يعجبكم


Cant See Images
Cant See Images
مندخل دغري بدون كترة حكي دايما العدس اكتر من الرز
يعني لو اخدتي كوب عدس حط نص كوب رز والله ستي هيك علمتني


منغسلهم كويس للعدسات ومنغسل الرزات كمان ومنحطهم سوا ومنحط عليهم مي


ومنتركهم على النار حتى يبلشوا يستووا ويدوبوا ولو حسينا انه بعدهم ما استووا وخبصوا وبدهم كمان مي منزيدهم حتى يخبوصوا يعني غير عن المجدرة


ومنبقى منحرك فهم كل شو


بعدن منضفلهم ملح وانا من عندي بحطلهم مكعب ماجي


وبقلي بصلة بالزيت او السمنة على حسب الروقان وبحطهم فوق الرز والعدس يعن على الاخير
وبس نحس انهم خبصوا خلاص والمي بلشت تخف عنهم


منسكبهم بالطباق ومنتركهم على جنب
وصراحة طيبة اكتر وهي باردة


ومنقدم حدها صلطة البندورة مع البصل


بس منقطع بندورة وبصل ومنخلطهم سوا مع رشة مله وشوية حامض ونعنع ناشف


وبتقدموها بالف صحة وهنا
وان شاء الله تكون عجبتكم اكلتنا الفلسطينية الزاكية