الفطير باللحمه وفطير بالجبنه ولا احلى فطاطرى من مطبخى وبالصور بحييكم من محل فطاطرى وايت انجل وهقدم لكم الفطير باللحمه المفرومه والفطير بالجبنه سخن من الفرن اليكم مباشره ههههههه بس مش مسؤله عن الى هيحصلكم لما تشوفوه وتدوقوه انتم احرار بقى هههههههههه يلا بلاش رغى ندخل فى الموضوع علطول اولا العجينه بتاعه الفطير المشلتت ده هى هى ممكن تتعمل فطير مشلتت ساده وممكن تتحشى زى الى عملتها انهارده وممكن تتعمل زى البيتزا البلدى الى بنشوفها عند الفطاطرى وده بيبقى زياده انك تحطى اضافه عليها من فوق يعنى الحشوة بتبقى من بره وجوه المقادير بصى العجينه ده بنسميها عجينه صايمه يعنى عباره عن دقيق وماء فقط من غير اى اضافه بعنى ولا زيت ولا خميرة ولا بيكنج بودر انا استعملت كيلو دقيق بيديكى فطيرتين كبار ذرة ملح ماء للعجن حسب الدقيق ما ياخد وده اضافه من عندى معلقه محسن خبز زيت ذرة بس ده مش للعجينه ده علشان التوريق وممكن سمن بلدى طبعا او زيت على سمن زى ما انتى عاوزة الطريقه بنحط كل المكونات مع بعض وبنعجن كويس اووووووى بالماء لغايه ما نحصل على عجينه متماسكه بس مش ناشفه اوووووى يعنى ممكن تلاقيها بتلزق بسيط فى ايدك وتعجنى وده اهم نقطه كويس ييجى ربع ساعه وده بيخلى العجينه يبقى كويسه وانتى بتفرديها ومش تتقطع منك وبعدين هيبقى عندك عجينه ناعمه ومتماسكه تقسميها نصفين وكل نصف تقسمييه على 6 قطع متساويين بالسكينه وبالتقريب كده وبعدين تحطى عليهم زيت كويس اوووووى من فوق وتحت وتسيبيهم يرتاحوا وده اهم نقطه لازم العجينه ترتاح على الاقل ساعه علشان تتفرد معاكى بسهوله بعد كده هنجيب جزء من العجينه بعد ما ارتاحت ونفرش الرخامه بالزيت ونفرد العينه بالنشابه او بالايد هتلاقيها بتمشى معاكى كويس اوووى زى اللبان كده ومش بتتقطع وحتى لو اتقطعت منك متخافيش مش مشكله لانها مش هتبان الحشوة انا عملت واحده بالحمه المفرومه والفلفل الرومى المقطع والزيتون والتانيه عملتها جبنه بيضاء زجبنه فلامنك وجنبه مثلثات ولانشون متقطع وفلفل رومى وطبعا ممكن اى حشوة تعجبك تونه بسطرمه سوسيس سجق اى حاجه بتحبيها وعلى فكره نفس الطريقه من غير حشو هتكلى احلى فطير مشلتت فلاحى وتحدى هههههههههههه والصور هتبين لك الخطوات اكتر اول حاجه فردت جزء من العجينه وطبقته مربع وبعدين فردت جزء تانى وحطيت الاولانى جوه التانى كده http://img227.imageshack.us/img227/9083/20100711149.jpg وبعدين حطيت الحشو وكررت العمليه تانى http://img801.imageshack.us/img801/8918/20100711153.jpg http://img34.imageshack.us/img34/4835/20100711155.jpg وكده حطيتها فى الصينيه http://img801.imageshack.us/img801/698/20100711156.jpg وبعدين تفرديها بايدك على اد الصينيه كده http://img801.imageshack.us/img801/9452/20100711157.jpg http://img801.imageshack.us/img801/1869/20100711158.jpg وبعدين دخلتها الفرن الساخن جدا وشغل من فوق وتحت وده شكلها لما استوت http://img94.imageshack.us/img94/8463/20100711159.jpg وده بعد لما اقطعتها http://img713.imageshack.us/img713/1613/20100711160.jpg هاه ايه رأيكم انفع افتح فطاطرى ولا ايه

تعرف على - اتصل بى - قريب - عربى - نرمى - مصبغة - حراج - الدليل الصحى العربى - دليل الأطباء الكويتي - دليل الأطباء السعودي - دليل الأطباء الإماراتي - دليل الأطباء العماني - دليل الأطباء البحريني - دليل الأطباء القطري - دليل الأطباء الأردني - دليل الأطباء اللبناني - دليل الأطباء السوري - دليل الأطباء المصري - دليل الأطباء المنوع - سعودى -